...

Metyu Brayzanın Azərbaycana səfir təyin olunması məsələsi həll olunmayıb

Siyasət Materials 10 Avqust 2009 20:34 (UTC +04:00)

Gürcüstan, Tbilisi, 10 avqust / Trend , müxbir N.Kirsxaliya /

ABŞ dövlət katibinin köməkçisinin müavini Metyu Brayzanın ABŞ-ın Azərbaycandakı səfiri vəzifəsinə təyin olunması məsələsi hələ ki, həll olunmayıb.

"Azərbaycana səfir təyin olunmağımla bağlı məsələ hələ ki, həll olunmayıb", - Brayza bazar ertəsi brifinqdə jurnalistlərə deyib.

O əlavə edib ki, Qafqazda fəaliyyətini davam etdirməkdən məmnun olardı, lakin bu məsələni onun rəhbərləri həll edirlər.

Tezliklə onun Dağlıq Qarabağ münaqişəsinin nizamlanması ilə məşğul olan ATƏT-in Mİnsk qrupunun həmsədri kimi səlahiyyəti başa çatır.

İyunun əvvəlində "Foreign Policy" jurnali məlumat vermişdi ki, ABŞ Konqresində Brayzanın Azərbaycana səfir təyin olunması ilə bağlı qeyri-rəsmi məsləhətləşmələr aparılır.

Məqalə müəllifi ilə əlaqə ünvanı: [email protected]

Xəbər lenti

Xəbər lenti