Azərbaycan, Bakı, 09 sentyabr / Trend , müxbir, A.Hüseynbala /
Azərbaycanın müxalifət partiyası bələdiyyə seçkisində irəli sürüləcək namizədlərinin sayını açıqlayıb.
"Qarabağ və Respublika Uğrunda Hərəkat" çərçivəsində seçkiyə qatılmağı planlaşdıran partiya 868 bələdiyyə subyekti üzrə 3407 namizədinin sənədlərini qəbul edib", - çərşənbə günü Trend -a Ümid Partiyasının mətbuat xidmətindən bildirilib.
Trend -un arayışı: Azərbaycanda bələdiyyə seçkisinin 2009-cu il dekabrında keçirilməsi nəzərdə tutulur. Bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Qəbul edilən qanuna görə, Azərbaycanda bələdiyyələrin sayı 2757-dən 1766-ya enib.
Partiyanın 8 rayon şöbəsi isə hələ ki, bələdiyyə üzvlüyünə irəli sürüləcək namizədlərin sənədlərini təqdim etməyib. "Bakı şəhərindəki 52 bələdiyyə üzrə 289 namizəd irəli sürülüb. Gəncə şəhərindəki 3 bələdiyyə üzrə namizədlərin sayı isə 47 nəfər olacaq", - məlumatda qeyd edilir.
Ümid Partiyası Abşeron rayonundan 62, Lənkərandan 76, Masallıdan 121, Şəkidən 103 namizəd irəli sürmək niyyətindədir. "Partiya Naxçıvan Muxtar Respublikasındakı bələdiyyələrə ümumilikdə 170 (22 nəfər Naxçıvan şəhərində) nəfərin namizədliyini irəli sürməyi nəzərdə tutur. Sumqayıt şəhərində isə 3 bələdiyyə üzrə 31 namizəd irəli sürülə bilər", - məlumatda vurğulanır.
Müхаlifəti təmsil еdən Ümid Pаriyаsı 1993-cü ildə yаrаdılıb. 2002-ci ildə Vətəndаş Birliyi Pаrtiyаsı (VBP) Ümid Pаriyаsınа birləşib. VBP-nin sədri оlmuş İqbаl Аğаzаdə Ümid Pаrtiyаsınа sədr sеçilib. Аğаzаdə Milli Məclisin dеputаtıdır.
Məqalə müəllifi ilə əlaqə ünvanı: [email protected]
