Gürcüstan, Tbilisi, 24 sentyabr / Trend , müxbir N.Kirsxaliya /
Erqnetidə gürcü-osetin münaqişəsi zonasında vəziyyətin nizama salınması üzrə keçirilən görüş başa çatıb. Görüş nəticəsiz sona çatıb, konkret razılıq əldə olunmayıb.
Tərəflər yalnız növbəti görüşün həmin yerdə, sentyabrın 15-də keçirilməsi barədə razılığa gəliblər.
Görüşdən sonra Aİ-nin müşahidəçi missiyasının rəhbəri Hans-Yorq Haberin jurnalistlərə dediyinə görə, Osetiya tərəfindən vəd alınıb ki, gələn görüşdə rus sərhədçiləri tərəfindən Gürcüstan və Cənubi Osetiyanın sərhədlərində tutulan və Sxinvalidə saxlanılan 6 gürcünün taleyi barədə konkret məlumat veriləcək.
"Biz həmçinin münaqişə zonasında sərbəst hərəkət məsələsinə də toxunmuşuq, lakin bu barədə qərar qəbul edilməyib", - o qeyd edib.
Görüşdə Gürcüstan, Rusiya, Osetiya və Aİ nümayəndələri iştirak ediblər. Görüş Qafqazda münaqişələrin tənzimlənməsi üzrə Cenevrə danışıqları çərçivəsində keçirilib.
Məqalə müəllifi ilə əlaqə ünvanı: [email protected]