Azərbaycan Prezidenti İlham Əliyev çərşənbə günü Azərbaycan Respublikası Dövlət Neft Fondunun 2009-cu il büdcəsinə dəyişikliklər edilməsi haqqında fərman imzalayıb,. Məlumatı AzərTAc Dövlət İnformasiya Agentliyi məlumat verir.
Fərmanda qeyd olunur ki, Dövlət Neft Fondunun vəsaiti hesabına həyata keçirilən qaçqın və məcburi köçkünlərin sosial-məişət və məskunlaşma məsələləri ilə bağlı bəzi tədbirlərin və eyni zamanda, Oğuz-Qəbələ zonasından Bakı şəhərinə su kəmərinin çəkilməsi və Samur-Abşeron suvarma sisteminin yenidən qurulması ilə bağlı layihələrin vaxtında icrasını təmin etmək məqsədi Azərbaycan Respublikası Prezidentinin 2000-ci il 29 dekabr tarixli 434 nömrəli Fərmanı ilə təsdiq edilmiş "Azərbaycan Respublikasının Dövlət Neft Fondu haqqında Əsasnamə"yə və Azərbaycan Respublikası Prezidentinin 2001-ci il 12 sentyabr tarixli 579 nömrəli Fərmanı ilə təsdiq edilmiş "Azərbaycan Respublikası Dövlət Neft Fondunun illik gəlir və xərclər proqramının (büdcəsinin) tərtibi və icrası Qaydaları"nın 5.4.1-ci və 5.4.2-ci bəndlərinə uyğun olaraq, Azərbaycan Respublikası Dövlət Neft Fondunun İcraçı Direktorunun vəsatətini və Müşahidə Şurasının rəyini nəzərə alaraq, "Azərbaycan Respublikası Dövlət Neft Fondunun 2009-cu il büdcəsinin təsdiq edilməsi haqqında" Azərbaycan Respublikası Prezidentinin 2009-cu il 26 fevral tarixli 68 nömrəli Fərmanının (Azərbaycan Respublikasının Qanunvericilik Toplusu, 2009-cu il, № 2, maddə 81) 3-cü bəndində verilmiş cədvəlin 1-ci sırasında "80 000,0" rəqəmi "90 000,0" rəqəmi ilə, 3-cü sırasında "100 000,0" rəqəmi "120 000,0" rəqəmi ilə, 4-cü sırasında "110 000,0" rəqəmi "130 000,0" rəqəmi ilə, 5-ci sırasında "80 000,0" rəqəmi "30 000,0" rəqəmi ilə əvəz edilsin.
Azərbaycan Respublikası Dövlət Neft Fondunun İcraçı Direktoru bu Fərmandan irəli gələn məsələləri həll etsin.