Qazaxstan, Astana, 13 oktyabr / Trend , K.Konırova/
Qazaxıstan Respublikası Müdafiə Nazirliyinin mətbuat xidmətinin verdiyi məlumata əsasən, xarici hərbi müşahidəçilər Almatı vilayətindəki (Qazaxstanın cənubu) aviabaza və desant-hücum briqadası ilə tanış olacaqlar.
Məlumatda deyilir ki, baxış ölkənin ATƏT-ə rəhbərliyə hazırlığı çərçivəsində 25-30 oktyabr tarixləri arasında keçiriləcək.
Nəzarətçi qismində ATƏT-in tərəfdaşları və iştirakçı ölkələrin nümayəndələri, ATƏT-in Vyanadakı katibliyi və NATO katibliyi nümayəndələri iştirak edəcəklər.
Məlumatda o da qeyd olunur ki, mərasim çərçivəsində iştirakçılara hərbi hissələrin gündəlik xidməti fəaliyyəti ilə tanış olmaq, aviasiya texnikasının uçuşunu və paraşütdən tullanmaları izləmək imkanı yaradılacaq.