Azərbaycan, Bakı, 21 oktyabr / Trend , müxbir A..Hüseynbala/
Azərbaycan Parlamentinin deputatı "Diffamasiya haqqında" qanun layihəsinin qəbulunun mümkün olduğunu düşünür.
"Müəyyən dəyişikliklər etməklə layihəni qəbul etmək olar", - çərşənbə günü Trend -a Milli Məclisin üzvü Elmira Axundova bildirib.
Trend -un arayışı: "Diffamasiya haqqında" qanun layihəsi 2005-ci ildə ATƏT-in Bakı ofisinin dəstəyi ilə hazırlanıb. Onu hazırlayan işçi qrupa millət vəkillləri Qənirə Paşayeva, Azay Quliyev, jurnalist təşkilatlarının nümayəndələri, hüquqşünaslar daxildir.
Beynəlxalq təşkilatlar hesab edirlər ki, təhqirə və böhtana görə cinayət məsuliyyəti nəzərdə tutulan 147-ci (böhtan) və 148-ci (təhqir) maddələr Cinayət Məcəlləsindən çıxarılmalıdır.
Axundovanın sözlərinə görə, qüsurları olmasına baxmayaraq, qanun layihəsinin müzakirəsinin başlanılmasının tərəfdarıdır.
"Mən də jurnalist olduğum üçün hər hansı dərc edilmiş materiala görə, kiminsə azadlıqdan məhrum olunmasını istəmirəm", - millət vəkili əlavə edib.
Onun fikrincə, jurnalistlərin böhtan və təhqirə görə cəzalandıırlması Mülki Məcəllə ilə tənzimlənməlidir.
"Həbsdə jurnalistlərin olması bizim dövlətimizin imicinə mənfi təsir göstərir. Son illər həbs olunan onlarla jurnalist əfv olunub. Məncə, jurnalistlərin həbsi Əfv Komissiyasının üzvləri üçün də əlavə problem yaradır", - Axundova vurğulayıb.
Millət vəkli deyib ki, bütün bunları nəzərə alaraq "Diffamasiya haqqında" qanun layihəsi ciddi müzakirəyə çıxarılıb qəbul olunmalıdır.
"Mən şəxsən layihənin qəbulu üçün əlimdən gələni edəcəyəm", - Axundova bildirib.
Azərbaycanda dörd minə yaxın kütləvi infоrmаsiyа vаsitəsi qеydiyyаtdаn kеçib. Hаzırdа оnlаrdаn 600-ə yахını fəaliyyət göstərir. Təхminən 400-ə qədər qəzеt və jurnаl dərc оlunur, 8 ümumrespublika, 14 regional, 13 kabel televiziyası fəаliyyət göstərir. Аzərbаycаndа 50-yə yaxın elektron KIV, təxminən 20 informasiya agentliyi vаr. Qalanları isə internet resurslarıdır
Məqalə müəllifi ilə əlaqə ünvanı: [email protected]
