Azərbaycan Prezidenti İlham Əliyev yanvarın 25-də Rusiya Federasiyasının Soçi şəhərinə işgüzar səfərə yola düşüb. Məlumatı AzərTAc Dövlət İnformasiya Agentliyi yayıb.
Dövlətimizin başçısını Heydər Əliyev adına Beynəlxalq hava limanında Baş nazir Artur Rasizadə, Prezident Administrasiyasının rəhbəri Ramiz Mehdiyev və Bakı Şəhəri İcra Hakimiyyətinin başçısı Hacıbala Abutalıbov yola salıblar.
Bu gün Soçidə Azərbaycan, Rusiya və Ermənistan prezidentlərinin üçtərəfli görüşü nəzərdə tutulur. Görüşdə Dağlıq Qarabağ probleminin həlli məsələləri müzakirə olunacaq.