Azərbaycan, Bakı, 25 yanvar / Trend , müxbir S.Ağayeva/
Azərbaycan Milli Məclisinin (Parlament) sədri Oqtay Əsədov Hindistana səfəri zamanı Azərbaycan və Hindistanın qanunvericilik orqanları arasında əməkdaşlıq məsələlərini müzakirə edəcək.
"Səfərin ilin birinci yarısı ərzində həyata keçiriləcəyi planlaşdırılır", - Hindistanın Azərbaycandakı səfiri Debnat Şou Trend -a bildirib.
Hindistan Parlamentinin yuxarı və aşağı palatalarının sədrləri 2007-ci ildə Azərbaycan Parlamentinin sədrini Hindistana dəvət etmiş, lakin səfər baş tutmamışdı. "Biz bu yaxınlarda dəvəti yeniləmişik", - səfir bildirib.
Eyni zamanda, ilin birinci yarısında XİN-lərarası məsləhətləşmələrin keçirilməsi planlaşdırılır.