Gürcüstan, Tbilisi, 12 mart / Trend , müxbir N.Kirsxaliya/
GUAM-ın baş katibi Valeri Çeçelaşvili inanır ki, bu təşkilatın parçalanma təhlükəsi yoxdur və onun gələcəyi var. Bu gün Tbilisidə jurnalistlərlə söhbətində o bildirib ki, GUAM konkret layihələri canlandırmalıdır.
"Biz təşkilat çərçivəsində mövcud səkkiz qrup tərəfindən layihələrin uğurla həyata keçirilməsi ilə öyünə bilmərik. Odur ki, təşkilatın malik olduğu bütün potensialdan istifadə etmək lazımdır", - Çeçelaşvili vurğulayıb.
Qeyd etmək lazımdır ki, GUAM-ın mümkün parçalanması barədə söz-söhbətlər Viktor Yanukoviçin Ukrayna Prezidenti seçilməsindən sonra başlayıb.
"Biz ümid edirik, Ukraynanın yeni hökuməti təşkilatın digər ölkələrini fəal dəstəkləyəcək", - Çeçelaşvili bildirib.