Gürcüstan, Tbilisi, 29 mart / Trend , müxbir N.Kirsxaliya/
Gürcüstan Prezidenti Mixail Saakaşvili Moskvadakı terror aktını pisləyib. Bunu bazar ertəsi brifinqdə prezidentin mətbuat katibi Manana Mancqaladze deyib.
"Gürcüstan Prezidenti terrorizmin bütün təzahürlərini pisləyir, xüsusən də dinc əhaliyə qarşı. Saakaşvili ölənlərin qohumlarına və yaxınlarına başsağlığı verir", - o bildirib.
Saakaşvili bəyan edib ki, beynəlxalq terrorizm ümumi təhlükəsizliyi təhdid edir.