Azərbaycan, Bakı, 7 aprel /Trend, müxbir M.Əliyev/
Azərbaycan Gənclər və İdman Nazirliyi sentyabrda Bakıda gənclərin beynəlxalq ekologiya konfransını təşkil edəcək. Bunu Azərbaycanın gənclər və idman nazirinin müavini İntiqam Babayev deyib.
Onun sözlərinə görə, konfrans 2010-cu ilin Azərbaycanda "Ekologiya İli" elan edilməsi ilə əlaqədar olaraq keçiriləcək.
"Konfrans çərçivəsində tələbə və yeniyetmələr arasında ekologiya mövzusunda esse, foto və rəsm müsabiqələrinə yekun vurulması planlaşdırılıb", - Babayev deyib.