...

Azərbaycan və İordaniya dostluq əlaqələri nümunəvidir - səfir Adil Məhəmməd Adayla

Siyasət Materials 14 May 2010 13:59 (UTC +04:00)
İordanıya Haşimi Krallığının Azərbaycandakı fövqəladə və səlahiyyətli səfiri Adil Məhəmməd Adayla, bu ölkə başçısının Azərbaycana səfəröncəsi, Trend-ə bildirib ki, İordaniya Kralı əlahəzrət Kral II Abdullah və Azərbaycan Prezidenti cənab İlham Əliyev arasında olan yaxın dostluq əlaqələri iki qardaş dövlət arasında əlaqələrin daha da möhkəmlənməsində öz əksini tapıb.

Trend-i buradan izləyin

Azərbaycan, Bakı, 14 may  /Trend, müxbir R.Hafizoğlu/

İordanıya Haşimi Krallığının Azərbaycandakı fövqəladə və səlahiyyətli səfiri Adil Məhəmməd Adayla, bu ölkə başçısının Azərbaycana səfəröncəsi, Trend-ə bildirib ki, İordaniya Kralı əlahəzrət Kral II Abdullah və Azərbaycan Prezidenti cənab İlham Əliyev arasında olan yaxın dostluq əlaqələri iki qardaş dövlət arasında əlaqələrin daha da möhkəmlənməsində öz əksini tapıb.

"Azərbaycan və İordaniya əlaqələri haqda çox danışmaq olar. İstər siyasi, mədəni, istərsə də iqtisadiyyat və digər sahələrdə iki ölkə münasibətləri, sözün əsl mənasında, nümunəvidir", - deyə səfir bildirib.

Səfirin sözlərinə görə, həm İordaniyanın, həm də Azərbaycanın yüksək imkanları var və iki ölkə rəsmiləri - İordaniya İqtisadi İnkişaf Nazirliyi, İordaniya Sənaye Nazirliyi, Azərbaycanın İordaniyadakı Səfirliyi və İordaniyanın Azərbaycandakı Səfirliyi iqtisadi əlaqələrin genişləndirilməsi, iş adamlarının və özəl sektorun hər iki ölkədə geniş fəaliyyət göstərməsi üçün əlindən gələni edir.

Azərbaycan və İordaniya arasında bu vaxta qədər 30 rəsmi sənəd imzalanıb. Keçən iki il ərzində  imzalanan razılaşmaların həyata keçirilməsi və iki ölkə arasında əlaqələrin inkişafı üçün işlərə başlanılıb", - deyə səfir qeyd edib.

Adayla onu da qeyd edib ki , İordaniya və Azərbaycan arasında keçən il Əmmanda müştərək komitə təşkil olunub və Bakıda bu ilin ikinci yarısında komitənin ikinci iclası keçiriləcək.

"Qeyd etmək istərdim ki, iki ölkə arasında olan mədəni əlaqələr də, həmçinin, yüksək səviyyədədir. İki dövlət arasında mədəniyyət sahəsində də işbirliyinin olması və inkişafı üçün sənədlər imzalanıb", - deyə o qeyd edib.

Səfir onu da qeyd edib ki , sadalananlarla yanaşı, Azərbaycanda İordaniyadan olan tələbələr ölkənin müxtəlif ali məktəblərində təhsil alırlar və Azərbaycan universitetlərinin yüksək tədris qabiliyyəti sayəsində bu rəqəm daha da artacaq.

Azərbaycanlı tələbələrin İordaniyada təhsil almalarına münasibət bildirən səfir qeyd edib ki, hal-hazırda İordaniyada bir azərbaycanlı tələbə təhsil alır və daha üç tələbə Əmman universitetlərində təhsil almaq üçün səfirliyə sənədlərini təqdim ediblər.

"Azərbaycanlı tələbələrin İordaniyada təhsil almalarının çoxalmasına gəlincə isə bəzi problemlər var. Belə ki, bəzi tələbələr ərəb dilində təhsil almaq istəyirlər, lakin onların ərəb dilini öyrənmələri bir az çətindir. Ona görə də ilk öncə İordaniyada ərəb dilini öyrənməlidirlər, daha sonra isə universitetdə təhsil almalıdırlar", - deyə səfir bildirib.

Xəbər lenti

Xəbər lenti