Gürcüstan, Tbilisi, 27 may /Trend, müxbir N.Kirsxaliya/
Gürcüstan birmənalı olaraq Azərbaycanın ərazi bütövlüyünü dəstəkləyir və Dağlıq Qarabağda keçirilmiş "parlament seçkiləri"ni tanımır. Bu barədə Gürcüstan XİN-in bu gün yaydığı bəyanatında deyilir.
"Gürcüstan XİN suverenlik və ərazi bütövlüyünü birmənalı olaraq dəstəkləyir və 2010-cu il mayın 23-də Dağlıq Qarabağda keçirilmiş "parlament seçkiləri"ni tanımır", - bəyanatda bildirilir.
"Biz əminik ki, regiondakı cari sülh danışıqlarının alternativi yoxdur və nə qədər ki, münaqişənin nizamlanması üçün zəruri olan yekun qərar razılaşdırılmayıb, proses beynəlxalq subyektlərin iştirakı ilə davam etdirilməlidir", - Gürcüstan XİN-in bəyanatında deyilir.
Dağlıq Qarabağda qondarma "parlament seçkiləri" mayın 23-də keçirilib.