ABŞ müdafiə naziri Robert Qeyts Barak Obamanın məktubunu Azərbaycan Prezidentinə çatdırıb

Azərbaycan Prezidenti İlham Əliyev iyunun 6-da ABŞ müdafiə naziri Robert Qeytsi qəbul edib, məlumatı AzərTAc Dövlət İnformasiya Agentliyi məlumat yayıb.
ABŞ müdafiə naziri Robert Qeyts ABŞ Prezidenti Barak Obamanın məktubunu dövlətimizin başçısına çatdırdı. O, qeyd etdi ki, ABŞ Prezidenti Barak Obama senator qismində ilk xarici səfərini Azərbaycana etməsini məmnunluqla xatırlayır.
Dövlətimizin başçısı məktuba görə minnətdarlığını ABŞ Prezidentinə çatdırmağı xahiş etdi. Görüş zamanı Azərbaycanla Amerika Birləşmiş Ştatları arasında hərbi sahədə əməkdaşlığa dair fikir mübadiləsi aparıldı.