Prezident İlham Əliyev Mahmud Əhmədinejada başsağlığı verib

Azərbaycan Prezidenti İlham Əliyev Iran Islam Respublikasının Prezidenti Mahmud Əhmədinejada başsağlığı verib. Məlumatı cümə günü AzərTAc Dövlət İnformasiya Agentliyi yayıb.

"Zahedan şəhərində baş vermiş partlayışlar nəticəsində çoxsaylı insan tələfatı xəbəri məni olduqca kədərləndirdi. Bu faciə ilə əlaqədar dərdinizi bölüşür, Sizə, həlak olanların ailələrinə və yaxın adamlarına dərin hüznlə başsağlığı verir, yaralananlara və xəsarət alanlara şəfa diləyirəm", - məktubda deyilir.