Azərbaycan, Bakı, 20 oktyabr /Trend, müxbir T.Hacıyev/
Avropa Şurası Parlament Assambleyasının (AŞ PA) parlament seçkilərini müşahidə missiyası Azərbaycanda namizədlərlə görüşlərə başlayıb. Trend-in məlumatına görə, çərşənbə günü müşahidə missiyası bitərəf, siyasi partiya mənsubu olan namizədlərlə görüşüb.
Görüşlərdə namizədlər təşviqat-təbliğat işi ilə bağlı AŞ PA müşahidə missiyasını maraqlandıran sualları cavablandırıblar.
Azərbaycanda parlament seçkiləri noyabrın 7-də keçiriləcək. Sentyabrın 3-də seçkilərə rəsmi start verilib.
Bundan əvvəlki seçkilər 2005-ci ilin noyabr ayında keçirilib. Azərbaycanda parlament seçkiləri majoritar sistem üzrə 125 seçki dairəsində aparılır.
