Azərbaycan, Bakı, 4 noyabr /Trend, müxbir E.Tariverdiyeva/
Bakıxanov küçəsi 17 ünvanında yerləşən Rusiyanın Azərbaycandakı səfirliyində noyabrın 5-də saat 11:00-dan 13:00-dək görkəmli dövlət xadimi, Rusiya hökumətinin keçmiş sədri, fövqəladə və səlahiyyətli səfir Viktor Stepanoviç Çernomırdinin vəfatı ilə əlaqədar başsağlığı kitabı açılacaq. Bu barədə diplomatik nümayəndəliyin məlumatında deyilir.
Viktor Çernomırdin noyabrın 5-də Moskvada Novodeviçi qəbiristanlığında dəfn olunacaq. Bu barədə RİA Novosti məlumat yayıb.
Apreldə 72 yaşı tamam olan Çernomırdin uzun sürən xəstəlikdən sonra Moskvada yerli vaxtla saat 04:00-da dünyasını dəyişib.