Azərbaycan, Bakı, 16 dekabr /Trend, müxbir T.Hacıyev/
Azərbaycanın müxalif partiyası konstitusiya islahatlarının aparılmasını istəyir.
Müxalif Böyük Qurtuluş Partiyasının (BQP) sədri Fazil Mustafa cümə axşamı Trend-ə bildirib ki, ATƏT-in Bakı ofisi Milli Məclisdə təmsil olunan siyasi partiyalarla birgə "dəyirmi masa" keçirəcək.
Mustafanın sözlərinə görə, həmin tədbirdə onun da təmsil olunduğu "İslahat" deputat qrupu tərəfindən konstitusiya islahatları ilə bağlı təkliflər təqdim olunacaq.
BQP sədri bildirib ki, həmin təkliflər artıq hazırlanıb, onların üzərində iş gedir.
Partiya sədri dəyişikliklərin detallarını açıqlamayıb.
"İslahat" deputat qrupu dekabrın 13-də yaradılıb. Qrupda "İslahat" seçki blokuna daxil olan Böyük Quruluş (BQP), Ədalət və Bütöv Azərbaycan Xalq Cəbhəsi (BAXCP) partiyaları təmsil olunurlar.