Azərbaycan, Bakı, 12 yanvar /Trend, müxbir S.Ağayeva/
Roma Papası XVI Benedikt Azərbaycan xalqına sülh, əminamanlıq və tərəqqi arzulayıb.
Katolik Kilsəsinin rəhbəri ilin əvvəlində Vatikanda diplomatik korpus üçün ənənəvi təşkil olunan rəsmi mərasimdə Azərbaycanın Müqəddəs Prestoldakı səfiri Elçin Əmirbəyovla görüşü zamanı Azərbaycan xalqına sülh, əminamanlıq və tərəqqi arzu edib. Bu barədə çərşənbə günü Trend-ə səfir bildirib.
Elçin Əmirbəyov Roma Papası XVI Benediktə Azərbaycan Respublikasının Prezidenti İlham Əliyevin yeni il təbriklərini çatdırıb.
Vatikana səfəri zamanı səfir Müqəddəs Prestolun mədəniyyət nazirliyi və dövlət katibliyində işgüzar görüşlər keçirib.