Azərbaycan, Bakı, 19 dekabr /Trend, müxbir S.Ağayeva/
Azərbaycan və Ermənistan prezidentlərinin növbəti görüşü 2012-ci ilin ilk aylarında baş tuta bilər. Trend-in məlumatına görə, bunu bazar ertəsi keçirdiyi mətbuat konfransında ATƏT-in Minsk qrupunun sabiq həmsədri Bernar Fasye bildirib.
Azərbaycan və Ermənistan prezidentləri İlham Əliyev və Serj Sarkisyan sonuncu dəfə Rusiya prezidenti Dmitriy Medvedevin iştirakı ilə iyunun 24-də Kazanda görüşüblər.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.
BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.