Azərbaycan, Bakı, 5 mart / Trend /
Rusiyada prezident seçkiləri yaxşı səviyyədə təşkil olunub, hansısa irad yoxdur. Trend-in "Qolos Rossii" radiostnasiyasına istinadən verdiyi məlumata görə, bunu seçkilərin gedişini izləyən azərbaycanlı deputat Arif Rəhimzadə bidirib.
"Hər şey dəqiq və şəffaf idi", - MDB Parlamentlərarası müşahidə missiyasının tərkibinə daxil olan Rəhimzadə deyib.
"Mən səkkiz seçki məntəqəsində oldum, seçkilərin gedişi ilə çox ətraflı tanış oldum. Namizədlərin nümayəndələri ilə də, müxtəlif partiyaların seçki komissiyalarının üzvləri ilə də söhbət etdim. Fikir yekdildir: seçkilər yaxşı səviyyədə təşkil olunmuşdu. Hansısa irad yoxdur", - o əlavə edib.