Azərbaycan, Bakı, 10 mart /Trend, müxbirlər E.Tarıverdiyeva, R.Hafizoğlu/
Türkiyə hansısa xarici qüvvənin İrana istənilən müdaxiləsini dəstəkləmir. Bu barədə şənbə günü Trend-ə Türkiyə Prezidentinin Yaxın Şərq məsələləri üzrə müşaviri Erşad Hörmüzlü İsrail və ABŞ tərəfindən İrana hücumun mümkünlüyü ilə bağlı suala cavab verərkən bildirib.
"Türkiyə belə addımı dəstəkləmir. Bu, bütün regionda sabitliyin pozulmasına gətirib çıxaracaq", - o deyib.
Bir az əvvəl Tehranın Livandakı səfiri Qəzənfər Ruknabadi bildirib ki, ABŞ və İsrail İranın nüvə obyektlərinə zərbə endirsələr, İran bu ölkələrin regiondakı bazalarına 11 minə yaxın raket buraxacaq.