Azərbaycan, Bakı, 17 mart /Trend müxbir E. Tariverdiyeva/
Rusiyanın xarici işlər naziri Sergey Lavrov aprelin əvvəlində Azərbaycana səfər edəcək. Bu barədə şənbə günü Trend Rusiya diplomatik mənbəyə istinadən xəbər verir.
"Ehtimala görə, Rusiyanın XİN başçısının Bakıya səfəri aprelin 3-4-də baş tutacaq" - mənbə deyib.
Aprel ayında Azərbaycan və Rusiya diplomatik münasibətlərinin qurulmasının 20-illiyi qeyd edilir.
Azərbaycanın Dövlət Statistika Komitəsinin məlumatına görə, Azərbaycan və Rusiya arasında əmtəə dövriyyəsinin həcmi, 2011 il yanvar-noyabrın nəticəsinə görə 2,6 milyard dollar təşkil edib və 1,5 milyard dollar Rusiya mallarının idxalının hesabına təmin edilib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
