Azərbaycan, Bakı, 19 aprel /Trend, müxbir T.Cəfərov/
Azərbaycanın Əfqanıstanda təyin olunmuş yeni səfiri Daşqın Şikarov ötən gün etimadnaməsini Əfqanıstan Prezidenti Həmid Kərzaiyə təqdim edib. Bu barədə cümə axşamı Trend-ə Əfqanıstan Prezidenti Administrasiyasının mətbuat xidmətindən məlumat verilib.
Görüş zamanı Prezident Kərzai Azərbaycanın Əfqanıstandakı yeni səfirinə gələcək işində uğurlar arzulayıb.
Şikarov Əfqanıstanda səfir kimi fəaliyyət göstərməsindən məmnun olduğunu və fəaliyyəti dövründə Azərbaycan və Əfqanıstan arasında əməkdaşlığın inkişafına öz töhfəsini verəcəyini deyib.
Qeyd edək ki, Daşqın Şikarov həm də Azərbaycanın Pakistandakı səfiridir.
Azərbaycanın Əfqanıstandakı yeni səfiri etimadnaməsini ölkə prezidentinə təqdim edib (FOTO)
Azərbaycanın Əfqanıstanda təyin olunmuş yeni səfiri Daşqın Şikarov ötən gün etimadnaməsini Əfqanıstan Prezidenti Həmid Kərzaiyə təqdim edib.
