Azərbaycan, Bakı, 18 iyun /Trend, müxbirlər M.Moezzi, E.Tarıverdiyeva/
İranın Dəniz Limanları Təşkilatı (DLT) dənizdə neft dağılmaları ilə mübarizə aparmaq məqsədilə gəmilərin inşasına təqribən 41 milyon dollar investisiya yatırır. Bu gəmilərdən İran və digər ölkələrin sularında neft çirklənmələrinin təmizlənməsi zamanı istifadə edilə biləcəyi gözlənilir. Bu barədə Trend bazar ertəsi ISNA agentliyinə istinadən məlumat verir.
DLT-nin Dəniz təhkükəsizliyi və ətraf mühitin mühafizəsi şöbəsinin müdiri Məhəmməd Rza Qədirinin sözlərinə görə, bu təşkilat milli və regional sərgilər təşkil edir, habelə çirklənmə ilə mübarizə, dənizdə axtarış və xilasetmə üzrə təlimlər keçirir. Bu təlimlərdə Rusiya, Azərbaycan, Qazaxıstan və Türkmənistanın iştirakı da planlaşdırılır.