Azərbaycan, Bakı, 3 sentyabr /Trend, müxbir M.Əliyev/
Azərbaycanın xarici işlər naziri Elmar Məmmədyarovun ABŞ dövlət katibinin müavini Uilyam Börns ilə telefon danışığı olub. Trend-in məlumatına görə, bunu bazar ertəsi jurnalistlərə Azərbaycan XİN-in mətbuat katibi Elman Abdullayev deyib.
"Məmmədyarov ABŞ-ın mövqeyinin Azərbaycan üçün anlaşılmaz olduğunu və məhz Azərbaycan xalqının etnik təmizləməyə məruz qaldığını bildirib", - Abdullayev bildirib.
Onun sözlərinə görə, Məmmədyarov Ramil Səfərov məsələsinin Ermənistanın işğalının nəticəsi olduğunu onun diqqətinə çatdırıb.