Özbəkistan, Daşkənd, 17 sentyabr / Trend, müxbir D.Əzizov /
Azərbaycan və Özbəkistan iki ölkə arasında siyasi məsləhətləşmələrin növbəti raundunu aparır. Trend-in məlumatına görə, bu barədə Özbəkistan XİN-in mətbuat xidmətindən bildirilib.
Nazirliyin məlumatına görə, məsləhətləşmələr bu il sentyabrın 18-də Bakıda xarici işlər nazirlərinin müavinləri səviyyəsində baş tutacaq.
Məsləhətləşmələrin gündəliyində ikitərəfli əməkdaşlığın inkişafının müzakirəsi, qarşılıqlı maraq doğuran regional və beynəlxalq məsələlər üzrə fikir mübadiləsi durur.