Azərbaycan, Bakı, 29 yanvar /Trend, müxbir R.Hafizoğlu/
Türkiyənin Kahramanmaraş əyalətində "Patriot" zenit-raket kompleksi (ZRK) tam quraşdırılıb. Bu barədə Trend çərşənbə axşamı "Anadolu" agentliyinə istinadən məlumat verir.
Məlumata görə, ZRK-nın sınaqdan keçirilməsi işləri başa çatıb.
Qeyd edək ki, Türkiyə ötən ilin noyabrında Suriya ilə sərhəddə yerləşdirmək üçün NATO-dan "Patriot" kompleksini sifariş vermişdi.