Azərbaycan, Bakı, 9 aprel /Trend/
Bu gün vəzifəsini icra etməyə başlayan Ermənistan Prezidenti Serj Sarkisyan hökumətin istefasını qəbul edib. Bu barədə Trend Ermənistan KİV-ə istinadən məlumat verir.
Yenidən seçilən prezidentin inauqurasiya mərasimi Yerevanda baş tutub.
İstefa barədə ərizəni Prezident Administrasiyasının inzibati binasında hökumət üzvlərinin iştirakı ilə ölkənin Baş naziri Tiqran Sarkisyan təqdim edib.
Ermənistan Konstitusiyasının 55-ci maddəsinin 4-cü bəndinə əsasən, ölkə başçısı səlahiyyətlərini icra etməyə başladığı gün hökumətin istefasını qəbul edir.