...

Saat 10:00-a olan məlumat: Gəncədə seçicilərin 8,43 faizi səs verib

Siyasət Materials 9 Oktyabr 2013 10:24 (UTC +04:00)
Saat 10.00-a olan məlumata görə, Gəncədə seçicilərin 8, 43 faizi səsvermədə iştirak edib. Trend-in məlumatına görə, şəhərdə olan 4 dairə seçki komissiyasında 154 min 698 seçici var. Saat 10.00-a kimi seçici hüququ olanların 13 min 56 nəfəri seçkilərdə iştirak edib.
Saat 10:00-a olan məlumat: Gəncədə seçicilərin 8,43 faizi səs verib

Azərbaycan, Gəncə, 9 oktyabr /Trend, müxbir A.Məmmədov/

Saat 10.00-a olan məlumata görə, Gəncədə seçicilərin 8, 43 faizi səsvermədə iştirak edib. Trend-in məlumatına görə, şəhərdə olan 4 dairə seçki komissiyasında 154 min 698 seçici var. Saat 10.00-a kimi seçici hüququ olanların 13 min 56 nəfəri seçkilərdə iştirak edib.

Gəncədə 37, 38, 39 və 40 saylı olmaqla 4 dairə 107 məntəqə seçki komissiyası fəaliyyət göstərir. Şəhərdə 147 min 272 nəfərin adı seçici siyahısına salınıb.

Bundan başqa seçkiyə 3 gün qalmış hərbi hissələrdə və 2 saylı istintaq təcridxanasında yaradılan 7 məntəqə də var. Burada 7426 seçici siyahıya salınıb. Gəncədə olan məntəqələrin 40-da veb-kameralar quraşdırılıb ki, gün ərzində seçki prosesi canlı olaraq internet vasitəsilə yayımlanır. 31 məntəqədə isə əlil arabaları ilə hərəkət edənlərin binaya daxil olmaları üçün xüsusi pantuslar quraşdırılıb.

Dairə seçki komissiyalarından verilən məlumata görə, şəhərdə 28-i beynəlxalq, 1381-i isə yerli olmaqla 1409 müşahidəçi qeydiyyata alınıb. Yerli müşahidəçilərdən 317-i siyasi partiyalar, 1064-ü isə öz təşəbbüsləri ilə səsvermə prosesini izləyirlər.

Beynəlxalq müşahidəçilərdən 18 nəfəri ATƏT-in, 10 nəfəri isə MDB PA-nın xətti ilə Gəncədə seçkiləri müşahidə edir.

Məqalədə:
Xəbər lenti

Xəbər lenti