Azərbaycan, Bakı, 17 oktyabr / Trend, müxbir S.Əhmədova /
Azərbaycan və Türkiyə arasında viza rejimi gələn il ləğv oluna bilər. Trend-in Azərbaycanın Xarici İşlər Nazirliyinin mətbuat xidmətinə istinadən verdiyi məlumata görə, bu barədə Azərbaycanın Türkiyədəki səfiri Faiq Bağırov Türkiyə mətbuatına verdiyi müsahibəsində bildirib.
Səfir qeyd edib ki, viza rejiminin ləğv olunması istiqamətində işlər davam edir:
"Viza məsələləri ilə bağlı ötən aylarda Azəbaycandan mütəxəssislərdən ibarət böyük bir nümayəndə heyəti Ankaraya gəlib. Yaxın zamanda isə Türkiyədən nümayəndə heyətinin Azərbaycana gəlməsi gözlənilir".