Azərbaycan, Bakı, 12 noyabr /Trend, müxbir E.Tariverdiyeva/
Beynəlxalq Atom Enerjisi Agentliyinin (BAEA) müfəttişləri Agentliklə nüvə problemi üzrə danışıqların növbəti raundunadək Əraqdakı ağır su nüvə reaktoruna baş çəkə biləcəklər. Trend-in IRNA agentliyinə istinadən verdiyi məlumata görə, bunu İranın Atom Enerjisi Təşkilatının rəsmi nümayəndəsi Bəhruz Kamalvəndi deyib.
Onun sözlərinə görə, BAEA-nın ekspertləri dekabrın 11-dək Əraqdakı reaktorun işinə nəzarət edə biləcəklər: "Əgər tərəflər konkret detallar barədə razılıq əldə etsələr, ekspertlər gələ və reaktorun işinə baxa biləcəklər".
BAEA və İranın bu yaxınlarda birgə bəyanatına toxunan B.Kamalvəndi qeyd edib ki, İran bir ildən də az müddətə BAEA-nın ölkənin nüvə proqramı ilə bağlı bütün şübhələrini aradan qaldırmağa çalışacaq.