Azərbaycan, Bakı, 29 dekabr /Trend/
Bu gün Səfərbərlik və Hərbi Xidmətə Çağırış üzrə Dövlət Xidmətində 2013-cü ilin xidməti fəaliyyətin yekunları və 2014-cü ilin yanvar çağırışına hazırlıqla əlaqədar müşavirə keçirilib.
Dövlət Xidmətinin İctimaiyyətlə əlaqələr şöbəsindən Trend-ə verilən məlumata görə, müşavirədə Xidmətin rəisi general-leytenant Arzu Rəhimov Səfərbərlik və Hərbi Xidmətə Çağırış üzrə Dövlət Xidməti tərəfindən 2013-cü il ərzində görülmüş işlərə dair məruzə edib, 2014-cü ildə Xidmət tərəfindən görüləcək işlər barədə məlumat verib.
Müşavirədə bir sıra məsələlər müzakirə olunub, A.Rəhimov 2014-cü ildə xidməti fəaliyyətin daha yüksək səviyyədə təşkil olunmasına dair tapşırıq və tövsiyələrini verib.