Azərbaycan, Bakı, 23 may /Trend/
Moskvada Azərbaycan və Rusiya müdafiə nazirləri görüşüblər.
Azərbaycan Müdafiə Nazirliyinin mətbuat xidmətindən Trend-ə verilən məlumata görə, Moskva şəhərində keçirilən Beynəlxalq Təhlükəsizlik üzrə 3-cü Konfrans çərçivəsində Azərbaycanın müdafiə naziri general-polkovnik Zakir Həsənovla Rusiya Federasiyasının müdafiə naziri ordu generalı Sergey Şoyqu arasında görüş keçirilib.
Görüşdə ölkələrimiz arasında qarşılıqlı maraq doğuran məsələlər ətrafında fikir mübadiləsi aparılıb.