Azərbaycan, Bakı, 28 may /Trend/
Prezident İlham Əliyev Ukraynanın yeni seçilmiş Prezidenti Pyotr Poroşenkoya təbrik məktubu ünvanlayıb.
Azərbaycan Prezidentinin təbrikində deyilir:
"Ukraynada keçirilmiş prezident seçkilərində qazandığınız qələbə münasibətilə Sizi səmimi qəlbdən təbrik edirəm.
Əmin olduğumu bildirmək istəyirəm ki, Azərbaycan ilə Ukrayna arasında mövcud dostluq və əməkdaşlıq münasibətləri xalqlarımızın və ölkələrimizin maraqlarına uyğun olaraq bundan sonra da inkişaf edəcək və genişlənəcəkdir.
Sizə cansağlığı, gələcək işlərinizdə uğurlar arzulayıram".