Azərbaycan, Bakı, 28 sentyabr /Trend/
Azay Quliyevin deputatlığa namizədliyi qeydə alınıb.
Trend-in məlumatına görə, bu gün 8 saylı Binəqədi birinci dairə seçki komissiyası A.Quliyevin deputatlığa namizədliyi məsələsini müzakirə edib və onun namizəd kimi qeydə alınması barədə qərar qəbul edib.
Qeyd edək ki, 8 saylı Binəqədi birinci seçki dairəsindən 1 noyabr 2015-ci ildə Milli Məclisə keçiriləcək seçkilərdə A.Quliyevin namizədliyi "Gələcəyə İnamla" Seçicilərin Təşəbbüs Qrupu tərəfindən irəli sürülüb.