Bakı. Trend:
Azərbaycan Qazaxıstan üçün Qafqaz regionunda strateji tərəfdaşdır. Trend-in "Kazinform"a istinadən verdiyi məlumata görə, bunu Qazaxıstan Prezidenti Nursultan Nazarbayev Azərbaycanın bu ölkədəki səfiri Rəşad Məmmədov ilə görüşdə deyib.
N.Nazarbayev bildirib: "Biz energetika, logistika, kənd təsərrüfatı sahələrində aktiv əməkdaşlıq edirik".
Prezident Azərbaycana rəsmi səfərə gəlməyə hazırlaşdığını da qeyd edib.
N.Nazarbayev Azərbaycanın bu ölkədəki yeni səfiri Rəşad Məmmədovun etimadnaməsini qəbul edib.