Bakı. Azad Həsənli - Trend:
Şimali Avropa ilə Cənub-Şərqi Asiyanı birləşdirəcək “Şimal-Cənub” beynəlxalq nəqliyyat dəhlizi regionda geosiyasi tarazlığa əhəmiyyətli təsir göstərəcək.
Trend-in məlumatına görə, bunu “Azernews”a müsahibəsində “Stratfor” kəşfiyyat-analitika şirkətinin böyük analitiki Yevgeni Çausovski deyib.
O qeyd edib ki, dəhlizin işə başlaması ilə tranzit müddəti və məhsulların qiyməti azala bilər: “Layihə həmçinin bu marşruta daxil olan ölkələr, xüsusilə də Rusiya və İran arasında əlaqələrin güclənməsinə xidmət edəcək”.
Hazırda Hindistandan Rusiyaya yüklərin çatdırılması üçün 40 gündən çox müddət tələb olunur. “Şimal-Cənub” dəhlizi bu müddəti 25 günə salmağa imkan verəcək.