...

Yunanıstanda Azərbaycan vətəndaşlarının 20 faizindən çoxu səs verib

Siyasət Materials 11 Aprel 2018 15:50 (UTC +04:00)
Afina və Saloniki şəhərlərindən olan seçicilərin sərbəst şəkildə səs vermələri üçün hər cür şərait yaradılıb.
Yunanıstanda Azərbaycan vətəndaşlarının 20 faizindən çoxu səs verib

Bakı. Trend:

Azərbaycanın Afinadakı səfirliyinin məlumatına əsasən, Yunanıstan vaxtı ilə saat 12-dək səfirlikdə qeydiyyatda olan azərbaycanlıların 20 faizindən çoxu səsvermədə iştirak edib.

Trend-in AZƏRTAC-a istinadən məlumatına görə, Afina və Saloniki şəhərlərindən olan seçicilərin sərbəst şəkildə səs vermələri üçün hər cür şərait yaradılıb.

Qeyd edək ki, bu gün Azərbaycanda prezident seçkiləri keçirilir. Prezident seçkilərində 8 nəfərin namizədliyi qeydə alınıb. Onlardan 6 nəfərin namizədliyi siyasi partiyalar tərəfindən, bir nəfərin namizədliyi öz təşəbbüsü ilə, bir nəfərin namizədliyi isə təşəbbüs qrupu tərəfindən irəli sürülüb.

Səsvermə günü respublikada 125 seçki dairəsi üzrə 5426 daimi və 215 müvəqqəti seçki məntəqəsi fəaliyyət göstərir. Səsvermə prosesini gün ərzində Mərkəzi Seçki Komissiyasının saytından da izləmək mümkündür. Belə ki, 119 seçki dairəsi üzrə 1000 seçki məntəqəsində veb-kameralar quraşdırılıb.

Seçkiləri 894 beynəlxalq (61 təşkilat, 59 ölkə), 58 175 yerli müşahidəçi izləyir.

Prezident seçkilərində səsvermə saat 19:00-da sona çatacaq. Hazırkı məlumata əsasən, Azərbaycanda 5 milyon 314 min 365 nəfər səsvermə hüququ olan şəxs var, onlardan 50.78 faizini qadınlar, 49.22 faizi isə kişilər təşkil edir.

Saat 15:00-a olan məlumata görə, prezident seçkilərində respublika üzrə seçicilərin 60,74 faizi, yəni 3 227 817 seçici səs verib.

Məqalədə:
Xəbər lenti

Xəbər lenti