...

MSK daha bir məntəqədə səsvermənin nəticələrini ləğv edib

Siyasət Materials 20 Fevral 2020 16:32 (UTC +04:00)
Mərkəzi Seçki Komissiyasının bu gün keçirilən iclasında 40 saylı Kəpəz ikinci (Gəncə) seçki dairəsi ilə bağlı müraciətə baxılıb.
MSK daha bir məntəqədə səsvermənin nəticələrini ləğv edib

Bakı. Elçin Mehdiyev – Trend:

Mərkəzi Seçki Komissiyasının (MSK) bu gün keçirilən iclasında 40 saylı Kəpəz İkinci (Gəncə) Seçki Dairəsindən namizəd Sitarə Zeynalova və digərlərinin müraciətinə baxılıb.

Trend-in məlumatına görə, MSK katibi Arifə Muxtarova bildirib ki, namizədlər müraciətində DSK-nın seçki ilə bağlı qərarının ləğvini qeyd ediblər:

“Araşdırma ilə bağlı şikayətçilərlə əlaqə saxlanılıb. Araşdırma nəticəsində yalnız 1 seçki məntəqəsində pozuntular aşkar edilib. Digər məntəqələr üzrə isə pozuntular müəyyən edilməyib. Bununla əlaqədar 1 məntəqədə səsvermənin nəticələri etibarsız sayılmalıdır”.

İclasda həmin dairənin 1 seçki məntəqəsi (8 saylı) üzrə səsvermənin nəticələrinin etibarsız hesab edilməsi məsələsi müzakirəyə çıxarılıb və qəbul edilib.

Məqalədə:
Xəbər lenti

Xəbər lenti