...

Bolqarıstan KİV-də Azərbaycan, Rusiya və Ermənistan liderlərinin Soçi görüşü geniş işıqlandırılıb

Siyasət Materials 29 Noyabr 2021 12:07 (UTC +04:00)
Bolqarıstan KİV-də Azərbaycan, Rusiya və Ermənistan liderlərinin Soçi görüşü geniş işıqlandırılıb

Bakı. Trend:

Azərbaycan Respublikasının Prezidenti İlham Əliyev, Rusiya Federasiyasının Prezidenti Vladimir Putin və Ermənistanın Baş naziri Nikol Paşinyanın noyabrın 26-da Soçi şəhərində keçirdiyi üçtərəfli görüş və görüş nəticəsində əldə olunmuş razılaşmalar Bolqarıstan KİV-də geniş işıqlandırılıb.

Aparıcı yerli media agentlikləri Soçi görüşünün yekun Bəyanatında öz əksini tapmış bir sıra mühüm məqamların, o cümlədən regionun iqtisadi potensialının üzə çıxarılması məqsədilə dəmir yolları xətlərinin, avtomobil yolları və bütün digər komunikasiyaların açılmasını ehtiva edən layihələrin tezliklə həyata keçirilməsi və yaxın zamanda iki ölkə arasında delimitasiya prosesinin başlanmasının vacib əhəmiyyətini vurğulayır.

Yayılmış məlumatlarda Prezident İlham Əliyevin Ermənistan tərəfinə qarşıdurmaya son qoymaq, hər iki ölkənin bir-birinin suverenliyini və ərazi bütövlüyünü tanımaq və münasibətləri normallaşdırmaq təklifinə diqqət çəkilir.

Eyni zamanda Bolqarıstan mətbuatında Azərbaycan Respublikasının Xarici İşlər Nazirliyinin Soçi görüşünün nəticələrinə dair şərhi də təqdim olunub və görüşün nəticələrinin Azərbaycan tərəfindən müsbət qiymətləndirildiyi diqqətə çatdırılıb.

Məqalədə:
Xəbər lenti

Xəbər lenti