Bakı. Trend:
Ermənistanın iki keçmiş prezidenti işğal zamanı Azərbaycan torpaqlarında narkotik dövriyyəsindən xeyli gəlir əldə ediblər.
Trend-in məlumatına görə, bunu Milli Məclisin Regional məsələlər komitəsinin sədri Siyavuş Novruzov parlamentin bu gün keçirilən iclasında deyib.
O qeyd edib ki, Ermənistanın keçmiş prezidentləri Robert Köçəryan və Serj Sərkisyan Azərbaycanın işğal altında olmuş ərazilərində narkotiklərin dünya bazarlarına çıxarılması ilə məşğul olublar.
S.Novruzov əlavə edib ki, erməni zabitlər də hərbi cinayətlərlə bərabər, işğal altında olmuş Azərbaycan torpaqlarında narkotik dövriyyəsi ilə məşğul olublar.