Bakı. Trend:
Ermənistan və Azərbaycanın xarici işlər nazirləri tezliklə Vaşinqtonda görüşəcəklər.
Trend-in məlumatına görə, Ermənistan Baş naziri Nikol Paşinyan bildirib.
Qeyd edək ki, bir müddət öncə Azərbaycan XİN görüşün dəqiq tarixinin əlaqələndirməni həyata keçirən təşkilatçı ölkə tərəfindən elan edilməsi təcrübəsinin mövcud olduğunu bildirib.
"Azərbaycan və Ermənistan xarici işlər nazirləri arasında növbəti görüşün dəqiq tarixinin müəyyənləşdirilməsi istiqamətində iş aparılır və ümidvarıq ki, bu görüş yaxın zamanlarda baş tutacaq. Bir qayda olaraq, görüşün dəqiq tarixinin əlaqələndirməni həyata keçirən təşkilatçı ölkə tərəfindən elan edilməsi təcrübəsi mövcuddur", - deyə əlavə edilib.
Xatırladaq ki, bundan öncə Ermənistan XİN Vaşiqntonda nəzərdə tutulan görüşün Azərbaycan XİN-in xahişi ilə təxirə salındığı haqda məlumat yaymışdı.