Bakı.Trend:
Gələn il kiberhücumlarla bağlı birgə təlim keçirəcəyik.
Trend xəbər verir ki, bunu Türkiyənin milli müdafiə naziri Yaşar Güler noyabrın 27-də Bakıda Azərbaycanın müdafiə naziri general-polkovnik Zakir Həsənov və Gürcüstanın müdafiə naziri Cuanşer Burçuladze ilə üçtərəfli görüşdə deyib.
O qeyd edib ki, hərbi təlim Türkiyədə baş tutacaq.
“Bugünkü üçtərəfli görüşün regional əməkdaşlığa töhfə verəcəyinə inanıram”, - deyə o qeyd edib.
Qeyd edək ki, bu gün Bakıda Azərbaycan-Gürcüstan-Türkiyə müdafiə nazirlərinin 10-cu üçtərəfli görüşü keçirilib. Görüşdə birgə hərbi əməkdaşlığın inkişaf perspektivləri və regional təhlükəsizliyə töhfə verəcək bir sıra məsələlər müzakirə edilib.