"Azərbaycan Naminə" seçki blokunun rəhbəri ədliyyə generalı İlqar Qasımov blokdan namizədliyi qeydə alınan şəxslərə şəxsi büdcəsindən heç bir yardım göstərməyəcək". Bu barədə Trend agentliyinə adıçəkilən blokun seçki qərargahının rəhbəri Taleh Əliyev bildirib.
O qeyd edib ki, bu proses yalnız təbliğat xarakteri daşımaqla "Azərbaycan Naminə" seçki blokunda təmsil olunan bəzi təşkilat və partiyalar tərəfindən həyata keçiriləcək: "İlqar Qasımova xüsusi rəğbəti olan qurumlar tərəfindən bu yaxınlarda nəşrə başlayacaq mətbu orqanlarında namizədlərin təbliğatına start veriləcək. Ancaq məhz generalın şəxsi büdcəsindən namizədlər üçün maliyyə ayıracağı barədə yayılan məlumatlar həqiqətə uyğun deyil".
"Azərbaycan Naminə" seçki blokundan Xətai rayon 35 saylı seçki dairəsindən namizədliyi irəli sürülən Vahid Azərbaycan Partiyasının (VAP) sədri Kərrar Əbilov isə Trend ə bildirib ki, blok tərəfindən namizədliyi qeydə alınacaq şəxslərə məhz İlqar Qasımovun özünün maliyyə yardımı edəcəyi ilə bağlı aralarında söhbət aparılıb.