Azərbaycan və Rusiyanın müxtəlif dövlət və qeyri-hökumət gənclər strukturlarının nümayəndələri Astraxanda keçiriləcək beynəlxalq konfransda əməkdaşlığın inkişaf yollarını müzakirə edəcəklər.
Gənclər, İdman və Turizm Nazirliyindən Trend ə verilən məlumata görə, "Rusiya və Azərbaycan arasında regionlararası və sərhədyanı əməkdaşlığın vəziyyəti və onun inkişaf perspektivləri" adı altında təşkil olunacaq konfrans sentyabrın 22-də keçiriləcək.
Konfrans Rusiyada Azərbaycan illəri çərçivəsində keçiriləcək. Burada Rusiya və Azərbaycan arasında iqtisadi-ticarət, elmi-texniki, sosial və humanitar sahələrdə regionlararası əməkdaşlığın gələcək inkişafı və möhkəmlənməsi üçün hüquqi bazanın təkmilləşdirilməsi ilə bağlı məsələlər müzakirəyə çıxarılacaq.