"Azadlıq" blokunun oktyabrın 1-də növbəti kütləvi aksiyasının keçirilməsi ilə bağlı sentyabrın 26-da Bakı Şəhər İcra Hakimiyyətinə müraciət edib. Bu barədə Trend ə "Azadlıq" blokundan məlumat verilib. Müraciətdə müxalifətçilər saat 16.00-dan 18.00-dək mitinq keçirmək üçün şəhərin mərkəzi yerlərində olan 6 meydan təklif ediblər. "Azadlıq", "Füzuli", "Gənclik", "Cəfər Cabbarlı" meydanları, Milli Elmlər Akademiyasının və Nəriman Nərimovon kinoteatrının qarşısındakı meydanlar aksiya keçirmək üçün təklif olunub.
"Azadlıq" blokundan bildirilib ki, əgər Bakı Şəhər İcra Hakimiyyəti bu marşrutlardan birinə razılıq verməsə, metronun "28 may" stansiyası yaxınlığında Cəfər Cabbarlı heykəlinin qarşısında aksiya keçirəcəklər.