Dekabrın ikinci yarısında GUAM (Gürcüstan, Ukrayna, Azərbaycan, Moldova) milli əlaqələndiricilərinin görüşü planlaşdırılır. AR XİN-də Trend ə bildirilib ki, belə bir qərar bu günlərdə Lyublyanada GUAM-ın xarici işlər nazirlərinin işgüzar görüşündə qəbul edilib.
Görüşdə əsas məsələlərdən biri GUAM-ın beynəlxalq təşkilat kimi təsis sənədlərinin hazırlanması olacaq. Sənəd layihələrinin təsdiqi başa çatdıqdan sonra baxılmaq üçün XİN başçılarına, sonra isə təşkilatın sammitinə təqdim ediləcək.
Görüşdə AR XİN başçısı Elmar Məmədyarov, eləcə də onun həmkarları - Qela Bejuaşvili (Gürcüstan), Boris Tarasyuk (Ukrayna), Andrey Stratan (Moldova) iştirak edib.