Bu gün, iyulun 8-də Müsavat Partiyası Məclisinin iclası keçirilir. Trend in məlumatına görə, saat 12.00-dan başlanan toplantının axşam saatlarına qədər davam edəcəyi gözlənilir.
İclasın gündəliyinə ölkədəki ictimai-siyasi durum, partiyanın qarşısında duran vəzifələr, habelə Ermənistan-Azərbaycan münaqişəsi, Güney Azərbaycanda baş verən hadisələr barədə məsələlər daxil edilib.
Toplantıda təşkilati məsələlərə baxılacaq. Yeni təsis olunmuş Məclisin sədrliyinə və Divan üzvlüyünə seçkilər keçiriləcək. Məclis sədrliyinə iki nəfər - Vurğun Əyyub və Sülhəddin Əkbər namizəddir. Divan üzvlüyünə isə 22 nəfərin namizədliyi qeydə alınıb.