Hakim Yeni Azərbaycan Partiyası (YAP) oktyabrın 6-da bələdiyyələrə boş qalan yerlərə keçiriləcək təkrar seçkilərdə iştirak edəcək namizədlər və partiyadan olan müşahidəçilər üçün seminarlar təşkil edəcək. Trend xəbər verir ki, artıq bu proses üzrə hazırlıq işləri yekunlaşmaq üzrədir.
Seminarların keçirilməsində məqsəd partiya təmsilçilərinin seçkilərlə bağlı biliklərini artırmaq, beynəlxalq təcrübədən məlumat vermək, seçkilərin azad, ədalətli, demokratik və şəffaf keçirilməsi istiqamətində görülən işlərə kömək etməkdir.